Alois Andritzki

P. Sales Hess OSB:

...Mjez nimi mjenuju wosebje młodeho kapłana Andrickeho z Drježdźan. Wón bě horliwy měšnik, wosebje kmany za dušepastyrstwo młodźiny. Často zabawješe nas wón ze swojimi kmanosćemi. Kajka sensacija to kóždy króć bě, hdyž wón po rukomaj po stwě abo wječor po spanskej stwě maršěrowaše a sobubratřa z hornich poschodow łožow kaž z galerije dele placachu! Za kóždeho bě wón přeco zwólniwy k słužbje lubosće, do kóždeho dźěła zwólniwy, je sebi sympatije wšitkich zdobył…

 

P. Maurus Münch:

…Alojs bě wuběrny sportowc. Hdyž bě so wječor drasty slekł, dźěše po rukomaj do spanskeje žurle. Z někotrymi saltami šwikny so z lochkosću na swój słomjany měch w třećim poschodźe a do wusnjenja so husto skoro chori nasmjachmy přez jeho kumšty a žortne ideje. Na jednym sylwesterskim wječoru w bloku za měšnikow bě Alojs ze swojimi saltami a wuběrnymi akrobatiskimi wukonami clou wječora…

 

Andrea Čornakec:

… Alojs bě so hižo jako šulski hólc z nanom a bratrom při wulkim dešću do Krupki podał. Tajke puće wón lubowaše, tak trenowaše swoje ćěło a zdobom swoju wolu. Za njeho ličeše dewiza, zo ma čłowjek sebje dušinje a ćělnje w horšći měć. Swoje ćěło spytaše ze wšelakimi srědkami skrućić. Radworčenjo wědźa so hišće dopomnić, kak je rańši puć na dwórnišćo wužiwał k sprintej. Wjele bě z kolesom po puću. Alojs bě dobry płuwar… Hač w lěće abo w zymje mjez lodowymi škrutami, Alojs trjebaše kupanje, zo by so čerstwy a čisty čuł. Samo na ranju swojeje primicy poby w skale pola Hodlerja, hdźež sej tež hewak často rano w pjećich ze Smochćic z towaršemi dojědźe…

 

Alfons Duschak:

…A přeco zaso ćehnješe jeho, hić płuwać, so do Łobja ćisnyć a na druhi brjóh přepłuwać. Hač bě to na tutym městnje zakazane, bě jemu smorže. Wón měješe hriwnu za pokutu policije k wěstoće přeco žno při sebi…

 

 

(1) P. Sales Hess OSB, Dachau. Eine Welt ohne Gott, Sebaldus Verlag Nürnberg  2.Auflage 1948, S. 201
(2) P. Maurus Münch OSB, Der Kaplan an der Dresdener Hofkirche,  in „Stimmen von Dachau“, Rdbr. Nr.2/1956
(3) Andrea Čornakec,Wotrow ,  Studentska akademija wo Alojsu Andrickim, Radwor 1988
(4) Alfons Duschak, Unser Alois Andritzki, list