Alois Andritzki

Prof. Hans Lubsczyk:

…Jurij Šołta je mi wo swójbje Alojsa něštožkuli powědał. Wo nanu, kotryž je ze swojimi synami putnikował, a ja sam sym jeho bratrow Jana a Gerarda a jeho sotru Martu znał. ..

 

Andrea Čornakec:

…Róžeńčan mać Boža bě jemu wućek w ćežkich rozsudach. Dźeń do pruwowanjow putnikowaše radšo do Róžanta, zo by sej žohnowanje wuprosył, město toho, zo by kaž ći tamni hač do nocy wuknył. Hdyž so z cuzby wróći, wjedźeše jeho puć stajnje najprjedy přez Róžant, byrnjež to wokołopuć był. Nimo toho putnikowaše Andrickec swójba kóžde štwórć lěta, wšojedne při kajkim wjedrje, do Róžanta…

…W prědowanskich přihotach z dnja 15.08.1939, na dnju Marije donjebjeswzaća, namakach slědowace słowa: “Njech nas swět hani, njech naše modlitwy wusměša, my so tuž ćim bóle modlmy. Mějmy maćeri Božej wjetšu dowěru. Njetwarmy tak na swět. Čińmy wjele bóle to, štož je Chrystus nas wučił – wuzku šćežku kročić!” …

 

Legende zu Rosenthal Kirche zu Rosenthal
Entstehungslegende von Rosenthal
Die Rosenthaler Kirche bis 1945

 

Dr. Achim Nawka:

…Tež mać Božu je w našej katolskej drasće molował. Wěm hišće, kak mi swoju mólbu přinjesy a pokaza. Jeho so při tym woprašach, kak tomu, zo w serbskej (narodnej) drasće. Swjata Marija je tež naša mać...

…Alojs je husćišo w Paderbornskej kapałce „Salve Regina“ spěwał. Měješe kruty, čisty hłós…

 

P. Maurus Münch OSB:

…Jeho wulki hodowny wobraz, z kotrymž je k hodam 1941 našu barakowu kapałku pyšił, bě zdobom połny nutrneje ćopłoty a najwyšeho liturgiskeho začuća. Młody Bóh - kral na rukomaj maćerje, ze swojimaj wóčkomaj swětnišćo wobjimacy, skedźbni kóždeho na to, kak wulki wobraz Chrystusa je w tutej młodej měšniskej duši žiwy …

 

Gnadenbild Rosenthal
Rosenthaler Gnadenbild

 

 

(1) Prof. Hans Lubsczyk, Čłowjek, měšnik, martrar;  Katolski Posoł 03.02.2002, str. 37
(2) Andrea Čornakec, Wotrow 1988 w Studentskej akademiji wo A.Andrickim w Radworju
(3) Dr. Achim Nawka, Wo Alojsu Andrickim; Radwor, dnja 28.06.1998
(4) P. Maurus Münch OSB, Der Kaplan an der Dresdener Hofkirche;  „Stimmen von Dachau“, Rdbr. Nr.2/195