Alois Andritzki

Prof. Hans Lubsczyk:

…Srjedu rano w šesćich mějachu młodostni swoju Božu mšu wokoło małeho wołtarja wosrjedź Dwórskeje cyrkwje. To bě jeho wašnje modlenja za mnje přeco z dožiwjenjom jeho swobody před Bohom…

 

Chrysta Meškankowa:

…Štyri lěta starša sotra Marja powěda: Alojs wědźeše jara derje, što chce… Kóždy prěni pjatk měsaca nastaji so ze swojim młódšim bratrom rano zahe do Budyšina, zo by tam Božu mšu wopytać móhł. To słušeše do jeju swójskich předewzaćow…

 

Marta Hantušowa:

…Druhdy je wón samo w nocy stanył a so pomodlił. A hdyž bě w delanskich wsach, to je wón stajnje ducy domoj do Róžanta k maćeri Božej šoł. Hdyž bě tam cyrkej zamknjena, je wón před durjemi swój róžowc wuspěwał…

 

P. Maurus Münch OSB:

…Wuzko stłóčeni stejachmy na nakładnym awće, kotrež nas wot železnicy do lěhwa dowjeze. Jako wóz přez wrota jědźeše, stłóči mi Alojs ruku a šeptaše: „Dominus custodit introitum tuum et exitum tuum.“ Wotmołwich jemu ze swojim měšniskim požohnowanjom. Ja dóstach čisło jateho 27828, Alojs 27829…

…Dokelž dyrbjachmy w bloku za přichadnikow bjez Božeje mšě a swjateho woprawjenja žiwi być, wobzamknychmy, so wšědnje spowědać; tak měješe nam sakrament pokuty sakramentalne hnady eucharistije na swoje wašnje narunać…

…Kóždu njedźelu do hłowneje Božeje mšě w bloku za měšnikow klečeše wón přede mnu k swjatej spowědźi. Měsac wob měsac rosćeše moja česćownosć před nim. Rozbudźeny běch wot skutkowanja miłosće Božeje w tutej młodej měšniskej wutrobje. Wobdźiwajo stejach tu před dušu, za kotruž měješe Dachau woprawdźe zdokonjenje a swjatosćenje być…

…Na třoch wječorach wob tydźeń čitachmy zhromadnje Swjate Pismo, k čemuž spytach krótke wujasnjenja podać. Alojs ženje njepobrachowaše. Wón bě njenasytny. Stajnje nowe prašenja měješe, z wšědnje wjetšej radosću zanuri so wón du ducha listow swjateho Pětra a
do zmyslenja prawosady, kotraž měješe, lědma wot Boha rozswětlena tak hórke  pruwowanja wobstać…

…Cyle wot samo wuwi so z bibliskeho kružka liturgiski kružk. Tež tu bě Aojs najhorliwiši wučer a wojowar…

 

 

(1) Prof. Hans Lubsczyk:  Čłowjek, měšnik, martrar; Katolski Posoł 03.02.2002, str. 37
(2) Chrysta Meškankowa, Žiwjenje za cyrkej a narod, Katolski Posoł, 03.07.1994, str.154
(3) Marta Hantušowa (rodź. Andrickec), Smjerć so přizjewiła (K 50. posmjertnemu dnju serbskeho martrarja,kapłana Alojsa Andrickeho), Katolski Posoł 31.01.1993, co. 5, str. 19
(4) P. Maurus Münch OSB , Der Kaplan an der Dresdener Hofkirche, in „Stimmen von Dachau“, Rdbr. Nr.2/1956